Per quest’ura da musica da schlagher avais vus mo anc dad envidar las chandailas e lura pudais vus giudair
Nus avain preparà in vair bouquet da melodias da Nadal chantadas da Howard Carpendale, dals Furbaz, Ella Endlich, Marc Pircher, Andrea Berg fin la Francine Jordi. As laschai carmalar da questas melodias en ina tempra ruassaivla, dultscha e charina era per ils proxims dis.
--------
1:00:35
Chant da Nadal
Stars dal schlagher popular chantan lur pli bellas chanzuns da Nadal, betg las chanzuns popularas e tradiziunalas. Oz tadlain melodias main enconuschentas, dentant era fitg bellas.
Cun las soras Sigrid & Marina e la chanzun «Advent, der stille Weg zum Fest» cumenzain nus «La Stailalva» dad oz. Er da la partida èn l'Alpentrio Tirol, Hannah, Kastelruther Spatzen, Oesch’s die Dritten, Francine Jordi ed anc blers auters stars dal schlagher popular.
Redacziun: Christa Soliva
--------
1:02:15
Chanzuns d’uffants
Oz chantan ils gronds las chanzuns dals pitschens.
En la stailalva tadlain nus, co chantaduras e chantadurs renumnads sa regordan dad enconuschentas chanzuns d’uffants internaziunalas mo er rumantschas.
L’entschatta fa oz nagin auter ch’il grond star da schlagher la Helene Fischer. Dad ella tadlain intginas chanzuns da ses album nov «Die schönsten Kinderlieder». Plinavant tadlain interprets sco Nena, Peter Maffay, Paola, Peter Reber mo er Linard Bardill e sia Lisalotta mancan betg.
Jau manegel che bain inqual da vus as regorda da questas melodias e vegn forsa schizunt a chantar durant tadlar questa stailalva !
Redacziun Christa Soliva
--------
1:01:06
Enviern ed advent
Il mais da december è quel da las notgs lungas, da naiv, glatsch e fraid, però er da la glisch e dals dis da festa.
En la Stailalva dad oz procuran interpretas ed interprets dal schlagher per quell’atmosfera speziala. Nus avain pront per Vus ina schelta da chanzuns d’enviern, ma era l’atmosfera d’advent na manca betg.
Redacziun: Christa Soliva
--------
1:00:07
Newcomers
Insatge han ils participants da la stailalva dad oz communabel, els èn novizs en la scena dal schlagher popular. Els han edì lur albums da debut e tar lur stil na manca la tipica armonica «die steirische» natiralmain betg.
Christa Jäger Ehrenzeller da Vättis (SG) ha fatg ina visita ad RTR. Ella raquinta da sia vita e forsa era intginas anecdotas or da la vita privata. Co ses disc da debut tuna pudais vus tadlar en la stailalva dad oz.
Brennholz – la band. Uschia sa numna in giuven quartet tirolais. La musica è vegnida messa en tgina als 4 giuvens chèn tranter 15 e 17 onns. Mathias e Johannes èn numnadamain ils figls da Michael Klingenschmied il musicist dal enconuschent trio «die Grubertaler», cumplettà vegn il quartet dal cusrin Benjamin ed il segund Matthias. Natiralmain vegn era la musica da Brennholz inspirada dals Grubertalers ed uschia cuntegn lur disc da debut polcas, valzers, boarischen, balladas sco era hits dal schlagher.
Italia